«…буди щит несокрушим и забрало твердо Святей Церкви и православному отечествию нашему»

21 ноября православные христиане празднуют Собор Архистратига Михаила и прочих Небесных Сил бесплотных. Архангел Михаил стоит над всеми девятью ангельскими чинами и поэтому называется архистратигом. Все чины небесных сил называют ангелами. Ангел значит «вестник». Это отражает их предназначение — доносить до людей Божию волю, быть защитниками и учителями людей.

Архангела Михаила называют архистратигом, потому что он возглавил небесное воинство, которое восстало на отпавших от Бога ангелов и их предводителя Денницу. Денницу мы знаем также как Люцифера, что в переводе означает «утренняя звезда». Этого ангела Господь наделил великими совершенствами, но за свою гордыню и восстание против Творца Денница был низвергнут с Неба.

Исторически на Руси Архангелу Михаилу молились о помощи в избавлении от скорби, при входе в новый дом и на основание дома, о покровительстве царского трона и, вообще, государства, о спасении и сохранении России.

Молитва первая Архистратигу Божиему Михаилу

Святый и великий Архангеле Божий Михаиле, неисповедимыя и пресущественныя Троицы, первый во Ангелех предстоятелю, рода же человеческого приставниче и хранителю, сокрушивый со воинствы своими главу прегордаго денницы на небеси и всегда посрамляяй злобу и коварства его на земли!

К тебе с верою прибегаем и тебе с любовию молимся: буди щит несокрушим и забрало твердо Святей Церкви и православному отечествию нашему, ограждая их молниеносным мечем твоим от всех враг видимых и невидимых. Буди наставник премудр и споспешник всем православным христианом, износя им от Престола Царя царствующих просвещение и силу, радость, мир и утешение. Буди вождь и соратай непобедим Христолюбивому воинству нашему, венчая его славою и победами над супостаты, да познают вси противляющиися нам, яко с нами Бог и святии Ангели Его!

Не остави о Архангеле Божий, помощию и заступлением твоим и нас, прославляющих днесь святое имя твое; се бо, аще многогрешнии есмы, обаче не хощем в беззакониих наших погибнути, но еже обратитися ко Господу и оживленным быти от Него на дела благая. Озари убо ум наш светом Божиим, да возможем разумети, что есть воля Божия о нас благая и совершенная, и ведети вся, яже подобает нам творити и яже презирати и оставляти. Укрепи благодатию Господнею слабую волю и немощное произволение наше, да утвердившеся в законе Господни, престанем прочее влаятися земными помыслы и похотьми плоти и ради тленнаго и земнаго вечная и небесная безумне забывати. Над всеми же сими испроси нам свыше истиннаго покаяния, нелицемерную печаль по Бозе и сокрушение о гресех наших, да остающее нам число дней временнаго жития нашего во изглаждении зол, содеянных нами, совершим. Егда же приближится час скончания нашего и свобождения от уз бреннаго сего телесе, не остави нас, Архангеле Божий, беззащитных противу духов злобы поднебесных; обыкших преграждати души человечестей восход в горняя, да, охраняеми тобою, безпреткновенне достигнем оных преславных селений райских, идеже несть печаль, ни воздыхание, но жизнь безконечная, и сподобимся узрети Пресветлое лице Всеблагаго Господа и Владыки нашего и Тому воздати славу, со Отцем и Святым Духом, во веки веков. Аминь.

Молитва вторая Архистратигу Божиему Михаилу

О святый Михаиле Архангеле, светлообразный и грозный Небеснаго Царя воеводо! Прежде Страшнаго суда ослаби ми покаятися от грехов моих, от сети ловящих избави душу мою и приведи ю к сотворшему ю Богу, седящему на Херувимех, и молися о ней прилежно, да твоим ходатайством послет ю в место покойное.

О, грозный воеводо Небесных Сил, предстателю всех у Престола Владыки Христа, хранителю твердый всем человеком и мудрый оружниче, крепкий воеводо Небеснаго Царя! Помилуй мя грешнаго требующаго твоего заступления, сохрани мя от всех видимых и невидимых враг, паче же подкрепи от ужаса смертнаго и от смущения диавольскаго, и сподоби мя непостыдно предстати Создателю нашему в час страшнаго и праведнаго суда Его. О, всесвятый великий Михаиле Архистратиже! Не презри мене грешнаго, молящагося тебе о помощи и заступлении твоем в веце сем и в будущем, но сподоби мя тамо купно с тобою славити Отца и Сына и Святаго Духа во веки веков. Аминь.

Тропарь Собора Архистратига Михаила и прочих Небесных Сил бесплотных

глас 4

Небесных воинств Архистратизи, молим вас присно мы, недостойнии, да вашими молитвами оградите нас кровом крил невещественныя вашея славы, сохраняюще ны, припадающия прилежно и вопиющия: от бед избавите ны, яко чиноначальницы Вышних сил.

Кондак Собора Архистратига Михаила и прочих Небесных Сил бесплотных

глас 2

Архистратизи Божии, служителие Божественныя славы, Ангелов начальницы и человеков наставницы, полезное нам просите и велию милость, яко Безплотных Архистратизи.